BOE_itzulpen-memoria

Orrialde honetan, Estatuko Aldizkari Ofizialean, hau da, BOEn euskaraz argitaratu den guztiaren itzulpen-memoria eskura dezakezu (TMX formatu estandarra). Memoria horretan, BOEn argitaratutako sumarioak eta estatuko legeak daude sartuta, Itzultzaile Zerbitzu Ofizialak orain arte itzuliak.

Memoria hori aise jaitsi dezakezu zure ordenagailura, itzulpen-lanetan erabiltzeko. Horretarako, klikatu estekaren gainean eskuineko botoiarekin eta gorde zure ordenagailuan. TMX fitxategia maneiatzeko, itzulpen-memoriekin lan egiten duen programaren bat izan behar duzu instalatuta, hala nola Wordfast, Trados, Transit edo Dèja-vu.

Gogoan izan, dena den, barruko testuak ez duela balio juridikorik eta lanerako tresna gisa baino ez dugula eskaintzen, jende askorentzat erabilgarria eta lagungarria izan baitaiteke.