EAEko Administrazio Orokorraren eta hari atxikitako Sektore Publikoaren Hizkuntza Irizpideak
Agiri honetan jasotakoak EAEko bi hizkuntza ofizialen erabilerarako jarraibide orokorrak dira, eta hizkuntza-irizpide batzuk finkatu nahi ditu Euskal Autonomia Erkidegoko Administrazio Orokorrean eta hari atxikitako Sektore Publikoa osatzen duten gainerako erakunde guztietarako. Irizpide orokor horiek aipatutako erakundeen Euskararen Plan Estrategikoetan gauzatuko dira, eta, behar izanez gero, osatu eta zehaztu egingo dira. Haien betetze-maila eta hartu beharreko neurriak planari jarraipena eginez aztertuko dira, baita aldizka egingo diren ebaluazioetan ere. Dokumentu hau Gobernu Kontseiluak onartu zuen 2023ko ekainaren 6an egindako bilkuran, eta 2021eko apirilaren 13an onartutakoa ordezkatzen du.
