- EBAZPENA, 2018ko azaroaren 22koa, Ingurumen Administrazioaren zuzendariarena, zeinaren bidez jendaurrean jartzen baita Lurzorua kutsatzea saihestu eta kutsatutakoa garbitzeko ekainaren 25eko 4/2015 Legea garatzen duen dekretu-proiektua. - Legegunea: Euskal Herriko araudia - Eusko Jaurlaritza - Euskadi.eus
Arautegia
InprimatuEBAZPENA, 2018ko azaroaren 22koa, Ingurumen Administrazioaren zuzendariarena, zeinaren bidez jendaurrean jartzen baita Lurzorua kutsatzea saihestu eta kutsatutakoa garbitzeko ekainaren 25eko 4/2015 Legea garatzen duen dekretu-proiektua.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Ingurumen, Lurralde Plangintza eta Etxebizitza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 231
- Hurrenkera-zk.: 5904
- Xedapen-zk.: ---
- Xedapen-data: 2018/11/22
- Argitaratze-data: 2018/11/30
Gaikako eremua
- Gaia: Ingurune naturala eta etxebizitza; Administrazioaren antolamendua; Osasun eta kontsumoa
- Azpigaia: Hirigintza eta etxebizita; Ingurumena; Gobernua eta herri administrazioa
Testu legala
Ingurumen, Lurralde Plangintza eta Etxebizitzako sailburuaren 2018ko azaroaren 22ko Aginduaren bidez, aldez aurretiko onespena eman zitzaion Lurzorua kutsatzea saihestu eta kutsatutakoa garbitzeko ekainaren 25eko 4/2015 Legea garatzen duen dekretu-proiektuari.
Xedapen Orokorrak Egiteko Prozeduraren abenduaren 22ko 8/2003 Legeko 8.1 artikuluan xedatutakoaren arabera, herritarren eskubide eta interes legitimoak ukitzen dituzten xedapen orokorrek entzunaldi-izapidea izan behar dute. Halaber, xedapenen izaera aintzat hartuta komeni baldin bada, jendaurrean jarriko dira.
Alde horretatik, dekretu-proiektua egiteko prozedura hasteko aginduan adierazita dago jendaurreko izapidea egitea egin behar zela izapidetzen ari zen arauan interesa duten eragile sozialen ahalik eta parte-hartzerik handiena bermatzearren.
Hori dela eta, Ingurumen, Lurralde Plangintza eta Etxebizitza Sailaren egitura organikoa eta funtzionala ezartzen duen apirilaren 11ko 77/2017 Dekretuan xedatutakoarekin bat, honako hau
Lehenengoa. Lurzorua kutsatzea saihestu eta kutsatutakoa garbitzeko ekainaren 25eko 4/2015 Legea garatzen duen dekretu-proiektua jendaurrean jartzea, 20 egun baliodunetan, ebazpen hau EHAAn argitaratu eta hurrengo egunetik aurrera.
Bigarrena. Lehengo apartatuan xedatutakoaren ondorioetarako, eta alegazioak egite aldera, dekretu-proiektuaren testua eskuragarri egongo da Eusko Jaurlaritzaren egoitza elektronikoan (www.euskadi.eus) eta Ingurumen, Lurralde Plangintza eta Etxebizitza Sailaren webgunean (www.ingurumena.ejgv.euskadi.eus).
Vitoria-Gasteiz, 2018ko azaroaren 22a.
Ingurumen Administrazioaren zuzendaria,
IVAN PEDREIRA LANCHAS.